ከሁሉ በፊት እመክራለሁ ክፍል 4

 

 

እንግዲህ እግዚአብሔርን በመምሰልና በጭምትነት ሁሉ ጸጥና ዝግ ብለን እንድንኖር፥ ልመናና ጸሎት ምልጃም ምስጋናም ስለ ሰዎች ሁሉ ስለ ነገሥታትና ስለ መኳንንትም ሁሉ እንዲደረጉ ከሁሉ በፊት እመክራለሁ። 1ኛ ወደ ጢሞቴዎስ 2:1-2  

እንደ ክርስትያን የምንደግፈው እና የምንቃወመው የፖለቲካ ድርጅት ሊኖር ይችላል። የምንደግፈውም የምንቃወምውም እግዚአብሄር በቃሉ ያዘዘንን ትእዛዝ የማይቃወም መንገድ መሆን ይኖርበታል። 

በስልጣን ላይ ያለውን መንግስትንም ሆነ ተቃዋሚውንም በፖለቲካችቸው የማይደግፍም የማይቃወምም ክርስትያን ደግሞ ሊኖር ይችላል። 

ያም ሆን ይህ እንደ ክርስትና በየጊዘው ለሚለዋወጡት ለመንግስቱ ባለስልጣናት የማይጸልይ ክርስትያን ሊኖር ግን አይገባውም። 

መንግስት የሰው ተቋም አይደለም መንግስት የእግዚአብሄር ተቋም ነው።  የማንንም ፖለቲካ ባንደግፍም የእግዚአብሄርን ስርዐት መደገፍ ግን አለብን። 

የማንንም ፖለቲካ ብንቃውምም የእግዚአብሄርን አስራር መቃወም የለብንም። 

ነፍስ ሁሉ በበላይ ላሉት ባለ ሥልጣኖች ይገዛ። ከእግዚአብሔር ካልተገኘ በቀር ሥልጣን የለምና፤ ያሉትም ባለ ሥልጣኖች በእግዚአብሔር የተሾሙ ናቸው። ስለዚህ ባለ ሥልጣንን የሚቃወም የእግዚአብሔርን ሥርዓት ይቃወማል፤ የሚቃወሙትም በራሳቸው ላይ ፍርድን ይቀበላሉ። ወደ ሮሜ ሰዎች 13:1-2 

የማንንም ፖለቲካ ብንቃውምም ስለ ሰዎች ሁሉ ስለ ነገሥታትና ስለ መኳንንትም ሁሉ ባለመጸለይ እግዚአብሄርንም እንድንጸልይለት የሰጠንን ህዝብም እንዲሁም ራሳችንን መበደል የለብንም።  

እንግዲህ እግዚአብሔርን በመምሰልና በጭምትነት ሁሉ ጸጥና ዝግ ብለን እንድንኖር፥ ልመናና ጸሎት ምልጃም ምስጋናም ስለ ሰዎች ሁሉ ስለ ነገሥታትና ስለ መኳንንትም ሁሉ እንዲደረጉ ከሁሉ በፊት እመክራለሁ። 1ኛ ወደ ጢሞቴዎስ 2:1-2  

አቢይ ዋቁማ ዲንሳ Abiy Wakuma Dinsa 

#ጸጥ #ዝግ #እግዚአብሔርንመምሰል #ፀሎት #ኢየሱስ #ጌታ #ምልጃ #ቤተክርስትያን #አማርኛ #ስብከት #መዳን #መፅሃፍቅዱስ #ምስጋና #እምነት #ነገስታት #መኳንንት #አማርኛ #ሰላም #ደስታ #አቢይ #አቢይዋቁማ #አቢይዋቁማዲንሳ #እወጃ #መናገር #ኢትዮጲያ #ፖለቲካ #መንግስት