የችግሩ ስርና መሰረት

ወንድሞች ሆይ፥ እርስ በርሳችሁ አትተማሙ። ወንድሙን የሚያማ በወንድሙም የሚፈርድ ሕግን ያማል በሕግም ይፈርዳል፤ በሕግም ብትፈርድ ፈራጅ ነህ እንጂ ሕግን አድራጊ አይደለህም። ያዕቆብ 4፡11

ወንድሙን የሚያማ ሰው ችግሩ ወንድሙ ይመስለዋል፡፡ ወንድሙን የሚያማ ሰው ዋናው ችግሩ ወንድሙ አይደለም፡፡ ወንድሙን የሚያማ ሰው የችግሩ ስርና መሰረት ቢጠና ወንድሙ ሳይሆን ወንደሙን የሚያማ ሰው ችግሩ ህጉ ራሱ ነው፡፡ ወንድሙን የሚያማ ሰው እውነተኛ ችግሩ ከወንድሙ ጋረ ሳይሆን ከህጉ ጋረ ነው፡፡  

ወንደሙን የሚያማ ሰው ህጉን ያማል፡፡ ወንድሙን የሚያማ ሰው በቀጥታ ወንደሙን በተዘዋዋሪ ህጉን ያማል፡፡ ወንድሙን የሚያማ ሰው ህጉ አስቸጋሪ እንደሆነ ፣ ህጉ ቀላል እንዳይደለና ህጉ ለመፈፀም እንደሚከብድ ህጉን እያማው ነው፡፡ ወንድሙን የሚያማ ሰው በህጉ ላይ ያለውን ተቀባይነት እያማ ነው፡፡ ወንድሙን የሚያማ ሰው ህጉ ችግር አለበት እያለ ነው፡፡   

ወንድሙን የሚያማ ሰው ህጉን ስለሚያማ ዛሬ ህጉን በተዘዋዋሪ እንደተቃወመው ሁሉ ነገ ደግሞ ህጉን ላይ በቀጥታ ይቃወመዋል፡፡ ወንድሙን የሚያማ በተዘዋዋሪ ህጉን ስለሚያማ እና በተዘዋዋሪ ወንድሙን ስለሚደግፍ ነገ ህጉን ለመቃወም ለራሱ እያመቻቸ ነው፡፡ ዛሬ ወንድሙን የሚያማ ውስጥ ሰው ውስጡን ህጉን ስለሚያማ ህጉን ለመፈፀም አቅም እያጣ ይሄዳል፡፡

በጣም ሰውን የሚያሙ ሰዎችን ስትመለከቱ ብዙ ጊዜ በሚያሙበት በዚያው ነገር ውስጥ ወድቀው ይገኛሉ፡፡ ምክኒያቱም ሰውን የሚያሙ ሰዎች ያን ወንድም ሃጢያት ያሰራው ያው ስጋ በእነርሱ እንደሚኖር አይረዱትም፡፡ ወንድሙን የሚያማ ሰው ወንድሙን የሚያማው በትምክት ነው፡፡ ወንድሙን የሚያማ ሰው ወንድሙን የሚያማው እኔ እበልጣለሁ ከሚል የትምክት ስሜት ነው፡፡ ወንድሙን የሚያማ ሰው ወንድሙን የሚያማው በጭካኔ ነው፡፡ በርህራሄ ወንድሙን የሚያማ ሰው የለም፡፡ በትህትና ወንድሙን የሚደግፍ የሚያነሳ የሚረዳ እንጂ ወንድሙን እንደ ባዕድ የሚያማ ሰው የለም፡፡  

ወንድሞች ሆይ፥ ሰው በማናቸውም በደል ስንኳ ቢገኝ፥ መንፈሳውያን የሆናችሁ እናንተ እንደዚህ ያለውን ሰው በየውሃት መንፈስ አቅኑት፤ ከእናንተ እያንዳንዱ የአንዱን ሸክም ይሸከም እንዲሁም የክርስቶስን ሕግ ፈጽሙ። ገላትያ ሰዎች 6፡1-2

ወንድሙን የሚያማ ሰው ወንድሙ ህጉን እንዲጠብቅ የሚያደረገው ምንም አስተዋፅኦ የለም፡፡ ወንድሙን የሚያማ ሰው የቤተሰብነት ስሜት የጠፋበት ሰው ነው፡፡ ወንደሙን የሚያማ ሰው ለቤተሰቡ ህጉን መጠበቅ የሚያደርገው አስተዋፅኦ የለም፡፡ ወንድሙን የሚያማ ሰው ወንድሙ ህጉን እንዲጠብቅ የሚረዳው ምንም ነገር የለም፡፡

ነገር ግን በፍቅር እርስ በርሳችሁ እንደ ባሪያዎች ሁኑ። ሕግ ሁሉ በአንድ ቃል ይፈጸማልና፥ እርሱም፦ ባልንጀራህን እንደ ራስህ ውደድ የሚል ነው። ነገር ግን እርስ በርሳችሁ ብትነካከሱና ብትበላሉ እርስ በርሳችሁ እንዳትጠፋፉ ተጠንቀቁ።  ገላትያ ሰዎች 5፡13-15

ወንድሙን የሚያማ ሰው ቤተሰቡን እንደ እንግዳ እያየው ነው፡፡ ወንድሙን የሚያማ ሰው የወንድሜ ገመና የእኔ ገመና ነው አይልም፡፡ ወንድሙን የሚያማ ሰው ከራሱ የቤተሰብ አባል ጋር ከንቱ ፉክክር ውስጥ ገብቶዋል፡፡

አንድም ብልት ቢሣቀይ ብልቶች ሁሉ ከእርሱ ጋር ይሣቀያሉ፤ አንድ ብልትም ቢከበር ብልቶች ሁሉ ከእርሱ ጋር ደስ ይላቸዋል። 1ኛ ቆሮንቶስ 12፡26

ወንድሙን የሚያማ ሰው ላይላዩን በወንድሙ መውደቅ የተናደደ ይመስላል እንጂ ውስጥ ውስጡን በወንድሙ መውደቅ ደስ ብሎታል፡፡ ወንድሙን የሚያማ ሰው በወንድሙ መውደቅ ራሱን ከፍ ሊያደርግ እየሞከረ ነው፡፡ ወንድሙን የሚያማ ሰው የወንድሙ መውደቅ የእርሱ መክበር ይመስለዋል፡፡ ወንድሙን የሚያማ ሰው በወንድሙ መውደቅ አብሮ እንደወደቀ አያስበውም፡፡

አንዱ ምንም ሳይሆን ምንም የሆነ ቢመስለው ራሱን ያታልላልና። ነገር ግን እያንዳንዱ የገዛ ራሱን ሥራ ይፈትን፥ ከዚያም በኋላ ስለ ሌላው ሰው ያልሆነ ስለ ራሱ ብቻ የሚመካበትን ያገኛል፤ ገላትያ 6፡3-4

የሃሜት አላማ ሌላውን ማንሳት ፣ ሌላውን መጥቀም እና ሌላውን መርዳት አይደለም፡፡ የሃሜት ብቸኛው አላማ ሌላውን ማዋረድ ራስን ማክበር ስለሆነ በእግዚአብሄር ፊት አስፀጸያፊ ነው፡፡  

ወንድሞች ሆይ፥ እርስ በርሳችሁ አትተማሙ። ወንድሙን የሚያማ በወንድሙም የሚፈርድ ሕግን ያማል በሕግም ይፈርዳል፤ በሕግም ብትፈርድ ፈራጅ ነህ እንጂ ሕግን አድራጊ አይደለህም። ያዕቆብ 4፡11

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ህይወት #የሚፈርድ #የሚያማ #ወንጌል #መውደድ #ፍቅር #የህይወትምስክርነት #መታዘዝ #ማገልገል #መውደድ #እውነት #ትህትና #ትንሳኤ #ህይወት #ወንጌል #አማርኛ #ስብከት #መዳን #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ  

ከአፌ የሚወጣ ቃሌ የምሻውን ያደርጋል የላክሁትንም ይፈጽማል

ዝናብና በረዶ ከሰማይ እንደሚወርድ፥ ምድርን እንደሚያረካት፥ ታበቅልና ታፈራም ዘንድ እንደሚያደርጋት፥ ዘርንም ለሚዘራ እንጀራንም ለሚበላ እንደሚሰጥ እንጂ ወደ ሰማይ እንደማይመለስ፥ ከአፌ የሚወጣ ቃሌ እንዲሁ ይሆናል፤ የምሻውን ያደርጋል የላክሁትንም ይፈጽማል እንጂ ወደ እኔ በከንቱ አይመለስም። ኢሳያስ 55፡10-11

እግዚአብሄር በየጊዜው ይናገራል፡፡ እግዚአሄር የተናገረውን ደግሞ ያደርጋል፡፡ ሃይል የእግዚአብሄር ነው፡፡

እግዚአብሔር አንድ ጊዜ ተናገረ፥ እኔም ይህን ብቻ ሰማሁ፤ ኃይል የእግዚአብሔር ነው፥ መዝሙር 62፡11

እግዚአብሄር የሚናገረው ነገር ሁሉ በጊዜው ባይመስልም ይፈፀማል፡፡

እኔ እግዚአብሔር ነኝ፤ እናገራለሁ የምናገረውም ቃል ይፈጸማል፥ ደግሞም አይዘገይም፤ እናንተ ዓመፀኛ ቤት ሆይ፥ በዘመናችሁ ቃሌን እናገራለሁ እፈጽመውማለሁ፥ ይላል ጌታ እግዚአብሔር፡፡ ሕዝቅኤል 12፡25

ሰዎች ሲፈሩ ይዋሻሉ፡፡ ወይም ሰዎች ሰውን በከንቱ ለማበረታታት ይዋሻሉ፡፡ እግዚአብሄር ግን የሚፈራው የለም፡፡ እግዚአብሄር ካለ ይሆናል፡፡ ሰዎች ለሰዎች ይዋሻሉ፡፡ እግዚአብሄር ግን አይዋሽም፡፡ ጌታ እውነተኛ አምላክ ነው፡፡ እግዚአብሄር ለመናገር ብቻ ብሎ የሚናገር አምላክ አይደለም፡፡ ወይም እግዚአብሄር በስሜት ውስጥ ሆኖ ተናግሮ አይፀፀትም፡፡   

ሐሰትን ይናገር ዘንድ እግዚአብሔር ሰው አይደለም፥ ይጸጸትም ዘንድ የሰው ልጅ አይደለም። እርሱ ያለውን አያደርገውምን? የተናገረውንስ አይፈጽመውምን? ዘኍልቍ 23፡19

እግዚአብሄር ተናገረ ማለት ሆነ ማለት ነው፡፡

እርሱ ተናግሮአልና፥ ሆኑም፤ እርሱ አዘዘ፥ ጸኑም። መዝሙር 33፡9

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #ታላቅ #ድንቅ #ልዩ #ግሩም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

የሚሰክረው ልጅ እናት ታሪክ

ኬኔት ሃገን የተባሉ የእግዚአብሄር ሰው በአንዱ ስብከታቸው ላይ ስለ አንድ ሴት ታሪክ ያናገራሉ፡፡

በየቤተክትርስትያን እየተጋበዝኩ በማገለግልበት ጊዜ ከስብከት በኋላ አንድ ሴት መጥታ ለልጄ ፀልይለት ብላ ጠየቀችኝ፡፡ ልጅዋ ስላለበት ሁኔታም ስረታስረዳኝ ህይወቱ በጣም የተበላሸ ነው ፣ በጣም ይሰክራል ፣ ከምሽቱ 8 ሰአት ነው ወደቤት የሚመጣው ብላ ነገረችኝ፡፡

እኔም ታሪክዋን ከሰማሁ በኋላ ለልጅዋ እንደማልፀልይለት ነገርኳት፡፡ ያንን ያልኩት ስላላዘንኩ ሳይሆን የእርስዋን ትኩረት ለማግኘት ስለፈለኩ ነበር ይላሉ የእግዚአብሄር ሰው ኬኔት ሃገን፡፡

እንዴት ስትለኝ አልፀልይለትም ነገር ግን አንቺ ሂጂና ለልጅሽ ፍቅርን አሳዪው ብዬ መክርኳት፡፡

ከቆየ በኋላ አንድ ቀን ያቺ ሴት ወደእኔ መጥታ ታሳውሰኛለህ ወይ ብላ ጠየቀቺኝ፡፡ አይ አላስታውስሽም እልኳት፡፡ በጣም ለሚሰክረው ልጄ እንዲለወጥ እንድትፀልይልኝን የጠየቅኩህ ሴት ነኝ ብላ አስታወሰቺኝ፡፡

ፍቅርን አሳዩው ባልከኝ መሰረት አትስከር ብዬ መጨቃጨቄን ትቼ የእናትነት ሃላፊነቴን ብቻ መወጣት ጀመርኩ፡፡ እናት ለልጅ የምታደርግለትን ነገር ሁሉ አደርግለት ጀመር፡፡ እንደ ቤተሰቡ ካህን እንዲህ አድርግ እንዲህ አታድርግ የሚለውን ጭቅጭቅ ትቼ በራሴ ሃላፊነት ላይ ማተኮር ጀምረኩ፡፡

አንድ ሌሊት እንዲሁ ሰክሮ መጥቶ በነጋታው እሁድ ነበርና ቤተክትርስትያን ውሰጂኝ አለ፡፡ እኔም አይ ትላንትና አምሽተህ ነው የገባኸው ደክሞሃል እረፍ ብለው ሊቀበልኝ አልቻለም፡፡ እኔ ጌታን መቀበል እፈልጋለሁ ብሎ ጌታን ተቀበለ በማለት የፍቅር ህይወት የተበላሸ ህይወት የነበረውን ልጅዋን እንዴት እንደለወጠ መሰከረችልኝ በማለት ይመሰክራሉ፡፡  

የሰው የፍቅር ህይወት ከምንም ንግግር በላይ ሃይል አለው፡፡ ፍቅርን ስናሳየው ሰው ይማረካል፡፡ ፍቅር የማይገባው ፍቅር የማይማርከው ሰው የለም፡፡

ምንም አያውቅም የምንለው ምንም አይረዳም የምንለው ሰው ፍቅርን ያውቀዋል፡፡ በክፉ የተያዘው አለም ፍቅርን ይለያል፡፡

እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሃንስ 13፡35

ይህ ቃል ከዚህ የእግዚአብሄር ቃል ጋር ይስማማል፡፡

እንዲሁም፥ እናንተ ሚስቶች ሆይ፥ ከባሎቻችሁ አንዳንዱ ለትምህርት የማይታዘዙ ቢኖሩ፥ በፍርሃት ያለውን ንጹሑን ኑሮአችሁን እየተመለከቱ ያለ ትምህርት በሚስቶቻቸው ኑሮ እንዲገኙ ተገዙላቸው። 1ኛ ጴጥሮስ 3፡1-2

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #ህይወት #ምስክርነት #ኑሮ #ወንጌል #መውደድ #ፍቅር #የህይወትምስክርነት #መታዘዝ #ማገልገል #መውደድ #እውነት #ትህትና #ትንሳኤ #ህይወት #ወንጌል #አማርኛ #ስብከት #መዳን #መፅሃፍቅዱስ #መንፈስቅዱስ  #ፌስቡክ #አቢይዋቁማ #አቢይዋቁማዲንሳ  

እንደ እግዚአብሔር ያለ ማንም የለም

አቤቱ፥ እንደ አንተ ያለ የለም፤ አንተ ታላቅ ነህ ስምህም በኃይል ታላቅ ነው። ኤርሚያስ 10፡6

እግዚአብሔር ታላቅ፥ ምስጋናውም ብዙ ነውና፤ በአማልክትም ሁሉ ላይ የተፈራ ነው። የአሕዛብ አማልክት ሁሉ ጣዖታት ናቸው፤ እግዚአብሔር ግን ሰማያትን ሠራ። ክብርና ግርማ በፊቱ፥ ኃይልና ደስታ በስፍራው ውስጥ ናቸው። 1ኛ ዜና 16፡25-27

እግዚአብሔርን አመስግኑ ስሙንም ባርኩ፥ ዕለት ዕለትም ማዳኑን አውሩ። ክብሩን ለአሕዛብ ተኣምራቱንም ለወገኖች ሁሉ ንገሩ፤ እግዚአብሔር ታላቅ ምስጋናውም ብዙ ነውና፥ በአማልክትም ሁሉ ላይ የተፈራ ነውና። መዝሙር 96፡2-4

አቤቱ፥ በሰማይና በምድር ያለው ሁሉ የአንተ ነውና ታላቅነትና ኃይል፥ ክብርም፥ ድልና ግርማ ለአንተ ነው፤ አቤቱ፥ መንግሥት የአንተ ነው፥ አንተም በሁሉ ላይ ከፍ ከፍ ያልህ ራስ ነህ። ባለጠግነትና ክብር ከአንተ ዘንድ ነው፥ አንተም ሁሉን ትገዛለህ ኃይልና ብርታት በእጅህ ነው ታላቅ ለማድረግ፥ ለሁሉም ኃይልን ለመስጠት በእጅህ ነው። 1ኛ ዜና 29፡11-12

እግዚአብሔር ልዑል ግሩምም ነውና፥ በምድር ሁሉ ላይም ታላቅ ንጉሥ ነውና። መዝሙር 47፡2

ያንም መገለጡን በራሱ ጊዜ ብፁዕና ብቻውን የሆነ ገዥ፥ የነገሥታት ንጉሥና የጌቶች ጌታ፥ ያሳያል። እርሱ ብቻ የማይሞት ነው፤ ማንም ሊቀርበው በማይችል ብርሃን ይኖራል፤ አንድ ሰው እንኳ አላየውም ሊያይም አይቻለውም፤ ለእርሱ ክብርና የዘላለም ኃይል ይሁን፤ አሜን። 1ኛ ጢሞቴዎስ 6፡15-16

አላወቃችሁምን? ወይስ አልሰማችሁምን? ከጥንትስ አልተወራላችሁምን? ወይስ ምድር ከተመሠረተች ጀምሮ አላስተዋላችሁምን? እርሱ በምድር ክበብ ላይ ይቀመጣል፥ በእርስዋም የሚኖሩት እንደ አንበጣ ናቸው፤ ሰማያትን እንደ መጋረጃ የሚዘረጋቸው እንደ ድንኳንም ለመኖርያ የሚዘረጋቸው፥ አለቆችንም እንዳልነበሩ፥ የምድርንም ፈራጆች እንደ ከንቱ ነገር የሚያደርጋቸው እርሱ ነው። ገና እንደ ተተከሉና እንደ ተዘሩ፥ በምድርም ሥር ገና እንደ ሰደዱ ወዲያውኑ ነፈሰባቸው፥ እነርሱም ደረቁ፥ ዐውሎ ነፋስም እንደ እብቅ ጠረጋቸው። ኢሳያስ 40፡21-24

አቤቱ ጌታ እግዚአብሔር ሆይ፥ እነሆ፥ አንተ ሰማይንና ምድርን በታላቅ ኃይልህና በተዘረጋች ክንድህ ፈጥረሃል፥ ከአንተም የሚያቅት ነገር የለም። ኤርሚያስ 32፡17

እንግዲህ እተካከለው ዘንድ በማን መሰላችሁኝ? ይላል ቅዱሱ። ዓይናችሁን ወደ ላይ አንሥታችሁ ተመልከቱ፤ እነዚህን የፈጠረ ማን ነው? ሠራዊታቸውን በቍጥር የሚያወጣ እርሱ ነው፥ ሁሉንም በየስማቸው ይጠራቸዋል፤ በኃይሉ ብዛትና በችሎቱ ብርታት አንድስ እንኳ አይታጣውም። ኢሳያስ 40፡25-26

ውኆችን በእፍኙ የሰፈረ፥ ሰማይንም በስንዝር የለካ፥ የምድርንም አፈር በመስፈሪያ ሰብስቦ የያዘ፥ ተራሮችን በሚዛን ኮረብቶችንም በሚዛኖች የመዘነ ማን ነው? ኢሳያስ 40፡12

አቤቱ፥ እንደ አንተ ያለ የለም፤ አንተ ታላቅ ነህ ስምህም በኃይል ታላቅ ነው። ኤርሚስ 10፡6

እነሆ፥ አሕዛብ በገንቦ እንዳለች ጠብታ ናቸው፥ በሚዛንም እንዳለ ትንሽ ትቢያ ተቈጥረዋል፤ እነሆ፥ ደሴቶችን እንደ ቀላል ነገር ያነሣል። ሊባኖስ ለማንደጃ እንስሶችዋም ለሚቃጠል መሥዋዕት አይበቁም። አሕዛብ ሁሉ በፊቱ እንዳልነበሩ ናቸው፤ ከምናምን እንደሚያንሱ፥ እንደ ከንቱ ነገርም ይቈጥራቸዋል። ኢሳያስ 40፡15-17

አቤቱ፥ በአማልክት መካከል እንደ አንተ ያለ ማን ነው? በምስጋና የተፈራህ፥ ድንቅንም የምታደርግ፥ በቅድስና የከበረ እንዳንተ ያለ ማን ነው? ዘፀአት 15፡11

ይሹሩን ሆይ፥ በሰማያት ላይ ለረድኤትህ፥ በደመናትም ላይ በታላቅነት እንደሚሄድ እንደ እግዚአብሔር ያለ ማንም የለም። ዘዳግም 33፡26

ይህን ፅሁፍ ለሌሎች ማካፈል share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አመስግኑ #መልካም #ታላቅ #ድንቅ #ልዩ #ግሩም #እምነት #ቃልኪዳን #ቤተክርስትያን #አማርኛ #ስብከት #መዳን #መፅሃፍቅዱስ #ሰላም #አቢይ #አቢይዋቁማ #አቢይዋቁማዲንሳ #እወጃ #የዘላለምህይወት #ቸር #መንፈስ #መንፈስቅዱስ

ክብርህን ሳይ እጠግባለሁ

እኔ ግን በጽድቅ ፊትህን አያለሁ፤ ክብርህን ሳይ እጠግባለሁ። መዝሙር 17፡15

ሰው የተፈጠረው በእግዚአብሄር ክብር ነው፡፡ እግዚአብሄር ሰውን የፈጠረው በመልኩና በአምሳሉ ነው፡፡ እግዚአብሄር ሰውን የፈጠረው ከአርሱ ጋር ህብረት እንዲያደርግ ነው፡፡

ሰው የተፈጠረው በእግዚአብሄር ብቻ እንዲረካ ነው፡፡ ስለዚህ ነው ሰው ከእግዚአብሄር ውጭ ምንም እርካታ የሌለው፡፡ ስለዚህ ነው ሰው እግዚአብሄር ብቻ ሊሞላው የሚችል ክፍተት በህይወቱ ያለው፡፡

መዝሙረኛው የሚለው ይህንን ነው፡፡

ሰዎች በምድር ላይ ያረካናል ብለው ወደ ብዙ ነገሮች ይሮጣሉ ብዙ ነገሮችን ይፈልጋሉ፡፡ ሰዎች በምድር ላይ ያረካናል የሚሉትን ብዙ ነገሮችን ይሰበስባሉ ነገር ግን ሲያገኙዋቸው አይረኩም፡፡ ሰዎች በምድር ላይ ለመርካት የማይፈነቅሉት ድንጋይ የለም፡፡

ለእኔ ግን ይላል መዝሙረኛው ሰዎች የሚፈልጉት ነገር ሁሉ አያረካኝም፡፡ እኔን የሚያረካኝ ግን ይህ ሁሉ ነገር አይደለም ይላል፡፡ ሰዎች የሚፈልጉትን ሁሉ አልፈልግም፡፡ እኔ የምፈልገው አንተን እግዚአብሄርን ነው እያለው ነው መዝሙረኛው፡፡

እኔ ግን ትክክለኛነቴን ላለመተው ዋጋ እከፍላለሁ፡፡ እኔ ግን አንተን የሚያሳዝን ነገር ላለማድረግ እጠነቀቃለሁ፡፡ እኔ ግን አንተን ለማክበር ሁሉን አድረጋለሁ፡፡  እኔ ግን አንተን ለማክበር ሁሉን እንቃለሁ፡፡ እኔ ግን በእውነት ወደአንተ እቀርባለሁ፡፡

እኔን የሚያረካኝ ክብርህ ነው፡፡ እኔን የሚያረካኝ መገኘትህ ነው፡፡ እኔን የሚያረካኝ የአንተ አብሮነት ነው፡፡ እኔን የሚያረካኝ አንተ ነህ፡፡ እኔን የሚያረካኝ አንተን መፈለግ ነው፡፡ እኔን የሚያረካኝ ክብርህን ማየት ነው፡፡

እኔን ሊያጠግበኝ የሚችል ከአንተ ውጭ ከሰማይ በታች ምንም ነገር የለም፡፡ ሰዎች ለመርካት የሚፈልጉበት ነገር ሁሉ እኔን አያረካኝም፡፡ ሰዎች ለመጥገብ የሚጋደሉለት ነገር ሁሉ አያጠግበኝም፡፡

እኔን የምረካው ክብርህን ሳይ ብቻ ነው፡፡

እኔ ግን በጽድቅ ፊትህን አያለሁ፤ ክብርህን ሳይ እጠግባለሁ። መዝሙር 17፡15

ለተጨማሪ ፅሁፎች https://www.facebook.com/abiy.wakuma/notes

#ኢየሱስ #ጌታ #እግዚአብሔር #ክብር #መልክ #አምሳል #ድህነት #ብፅእና #በረከት #ቃል #ፀሎት #አምልኮ #መፈለግ #መጠማት #መራብ #ቤተክርስትያን #አማርኛ #ስብከት #መዳን #መፅሃፍቅዱስ #አቢይ #አቢይዋቁማ #አቢይዋቁማዲንሳ

Father Forgets - by W. Livingston Larned

"Listen, son: I am saying this as you lie asleep, one little paw crumpled under your cheek and the blond curls wet on your damp forehead. 

I have stolen into your room alone. Just a few minutes ago, as I sat reading my paper in the library, a stifling wave of remorse swept over me. Guiltily I came to your bedside.

There are the things I was thinking, son: I had been cross to you. I scolded you as you were dressing for school because you gave your face merely a dab with a towel. I took you to task for not cleaning your shoes. I called out angrily when you threw some of your things on the floor.

At breakfast I found fault, too. You spilled things. You gulped down your food. You put your elbows on the table. You spread butter too thick on your bread. And as you started off to play and I made for my train, you turned and waved a hand and called, "Goodbye Daddy!" and I frowned, and said in reply, "Hold your shoulders back!" 

Then it began all over again in the late afternoon. As I came up the road I spied you, down on your knees playing marbles. There were holes in your stockings. I humiliated you before your boyfriends by marching you ahead of me to the house. Stockings were expensive - and if you had to buy them you would be more careful! Imagine that, son, from a father!

Do you remember, later, when I was reading in the library, how you came in timidly, with a sort of hurt look in your eyes? When I glanced up over my paper impatient at the interruption, you hesitated at the door. "What is it you want?" I snapped. 

You said nothing, but ran across in one tempestuous plunge, and threw your arms around my neck and kissed me, and your small arms tightened with an affection that God had set blooming in your heart and which even neglect could not wither. And then you were gone, pattering up the stairs. 

Well, son, it was shortly afterwards that my paper slipped from my hands and a terrible sickening fear came over me. What has habit been doing to me? The habit of finding fault, of reprimanding - this was my reward to you for being a boy. It was not that I did not love you; it was that I expected too much of youth. I was measuring you by the yardstick of my own years. 

And there was so much that was good and fine and true in your character. The little heart of you was as big as the dawn itself over the wide hills.

This was shown by your spontaneous impulse to rush in and kiss me good night. Nothing else matters tonight, son. I have come to your bedside in the darkness, and I have knelt there, ashamed! 

It is a feeble atonement; I know you would not understand these things if I told them to you during your waking hours. 

But tomorrow I will be a real daddy! I will chum with you, and suffer when you suffer, and laugh when you laugh. I will bite my tongue when impatient words come. I will keep saying as if it were a ritual: "He is nothing but a boy - a little boy!"

I am afraid I have visualized you as a man. Yet as I see you now, son, crumpled and weary in your cot. I see that you are still a baby. Yesterday you were in your mother's arms, your head on her shoulder. I have asked too much, too much."

ቤቴ የጸሎት ቤት ይሆናል

እርሱም፦ ቤቴ የጸሎት ቤት ይሆናል ተብሎ ተጽፎአል፤ እናንተ ግን የወንበዴዎች ዋሻ አደረጋችሁት አላቸው። ሉቃስ 19፡46

ኢየሱስ ስለ እግዚአብሄር ቤት የተናገረው ንግግር ልቤን ይነካኛል፡፡ ስለእግዚአብሄር ቤት ስናስብ ብዙ ነገር እናስባለን፡፡

ስለእግዚአብሄር ቤት ስናስብ ስለእግዚአብሄር ቃል ትምህርት እናስባለን፡፡ ትክክል ነው የእግዚአብሄር ቤት የእግዚአብሄር ህዝብ የእግዚአብሄርን ቃል የሚማርበት ህብረት ነው፡፡   

በሐዋርያትም ትምህርትና በኅብረት እንጀራውንም በመቍረስ በየጸሎቱም ይተጉ ነበር። የሐዋርያት ሥራ 2፡42

ስለእግዚአብሄር ቤት ስናስብ የእግዚአብሄር ህዝብ እግዚአብሄርን የሚያመልክበት ቦታም እንደሆነ እናስባለን፡፡ የእግዚአብሄር ቤት የእግዚአብሄር ህዝብ ጌታውን እግዚአብሄርን የሚያመልክበትና የሚያመስግንበት ለእግዚአብሄር የሚዘምርበት ህብረት ነው፡፡

በመዝሙርና በዝማሬ በመንፈሳዊም ቅኔ እርስ በርሳችሁ ተነጋገሩ፤ ለጌታ በልባችሁ ተቀኙና ዘምሩ፤ ኤፌሶን 5፡19

ስለእግዚአብሄር ቤት ስናስብ የእግዚአብሄር ቤት የመንፈቅ ቅዱስ ስጦታዎችን የምንለማመድበት ቤት እንደሆነ እናስባለን፡፡ እውነትም ነው ስንሰበሰብ የመንፈስ ቅዱስ ስጦታዎች ይሰራሉ፡፡

በምትሰበሰቡበት ጊዜ ለእያንዳንዱ መዝሙር አለው፥ ትምህርት አለው፥ መግለጥ አለው፥ በልሳን መናገር አለው፥ መተርጐም አለው፤ ሁሉ ለማነጽ ይሁን። 1ኛ ወደ ቆሮንቶስ ሰዎች 14፡26

ኢየሱስ ስለ ቤቱ ሲናገር ቤቴ የፀሎት ቤት የጸሎት ቤት ይሆናል ነው ያለው፡፡ የእግዚአብሄር ቤት ህብረት የፀሎት ህብረት ነው፡፡ የእግዚአብሄር ቤት ህብረት ሰዎች ፀልየው ከእግዚአብሄር የሚቀበሉበት ህብረት ነው፡፡ የእግዚአብሄር ቤተክርስትያን ህብረት ሰዎች እግዚአብሄርን በህብረት ፈልገው የሚያገኙበት ህብረት ነው፡፡

ደግሞ እላችኋለሁ፥ ከእናንተ ሁለቱ በምድር በማናቸውም በሚለምኑት ነገር ሁሉ ቢስማሙ በሰማያት ካለው ከአባቴ ዘንድ ይደረግላቸዋል። ሁለት ወይም ሦስት በስሜ በሚሰበሰቡበት በዚያ በመካከላቸው እሆናለሁና። ማቴዎስ 18፡19-20

የማይፀልይ ክርስትያን ደካማ ክርስትያን እንደመሆኑ መጠን የማትፀልይ ቤተክርስትያን ደካማ ቤተክርስትያን ነች፡፡ የማይፀልይ ክርስትያን የእግዚአብሄር ሃይል እንደሚያጥረው ሁሉ የማትፀልይ ቤተክርስተያን የእግዚአብሄርን ሃይል በሰው ክንድ የምትለውጥ ቤተክርስተያን ነች፡፡ የማይፀልይ ክርስትያን እንደሚፍገመገም ሁሉ የማትፀልይ ቤተክርስትያን የማትፀጸና ቤተክርስትያን ነች፡፡

የእግዚአብሄር ቤተክርስትያን ካለማቋረጥ የእግዚአብሄር እርዳታ የሚፈልጉ ሰዎች ህብረት ነች፡፡ የእግዚአብሄር ቤተክርስትያን በእግዚአብሄር ሃይል ብቻ የሚታመኑ ሰዎች ስብስብ ነች፡፡   

እርሱም፦ ቤቴ የጸሎት ቤት ይሆናል ተብሎ ተጽፎአል፤

ይህን ፅሁፍ ለሌሎች ሼር   share ማድረግ ቢወዱ

ለተጨማሪ ፅሁፎች https://www.facebook.com/abiy.wakuma/notes

ለቪዲዮ መልእክቶች https://www.youtube.com/user/awordm/videos

#ኢየሱስ #ጌታ #አጥብቆ #ፀሎት #ልመና #ቤቴ #ቤተክርስትያን #አማርኛ #የእግዚአብሄርቃል #መፅሃፍቅዱስ #ሃይለ #አቢይ #አቢይዋቁማ #አቢይዋቁማዲንሳ #መጠየቅ #መንበርከክ #ምስጋና