ከፀሎት በላይ

የጻድቅ ሰው ጸሎት ብዙ ነገር የመስራት እና የመለወጥ አቅም አለው። 

ያዕቆብ 5:16 … የጻድቅ ሰው ጸሎት በሥራዋ እጅግ ኃይል ታደርጋለች።

ነገር ግን የእግዚአብሔር ሀይል በፀሎታችን አይወሰንም። እግዚአብሔር ከምንለምነው ወይም ከምናስበው ሁሉ ይልቅ እጅግ አብልጦ ሊያደርግ ይችላል። 

ኤፌሶን 3:20 እንግዲህ በእኛ እንደሚሠራው ኃይል መጠን ከምንለምነው ወይም ከምናስበው ሁሉ ይልቅ እጅግ አብልጦ ሊያደርግ ለሚቻለው፥

የእግዚአብሔር ለሚፀልዩት ብቻ ሳይሆን በሁሉም ፍጥረቱ ላይ ያለው አላማ የፍቅር ነው። 

መዝሙር 145:9 እግዚአብሔር ለሚታገሡት ቸር ነው። ምሕረቱም በሥራው ሁሉ ላይ ነው።

1 ጢሞቴዎስ 6:17 … ደስም እንዲለን ሁሉን አትርፎ በሚሰጠን በሕያው እግዚአብሔር እንጂ….

እግዚአብሔር የሚያስፈልገንን ከእኛ በላይ ስለሚያውቅ ለእኛም የሚያደርግልን በምንፀልየው ላይ ብቻ  ተወስኖ ሳይሆን ከምንለምነው ሁሉ በላይ ነው። 

ማቴዎስ 6:8 … ሳትለምኑት አባታችሁ የሚያስፈልጋችሁን ያውቃልና።

እግዚአብሔር ከአፋችን ቃል በላይ የልባችንን ጩኸት ሰምቶ ይመልሳል። እግዚአብሔር አውቀን ከፀለይነው በላይ የማናውቀውን ታላቅና ኃይለኛ ነገርን ያሳየናል። 

ኤርምያስ 33:3 ወደ እኔ ጩኽ፥ እኔም እመልስልሃለሁ፤ አንተም የማታውቀውን ታላቅና ኃይለኛ ነገርን አሳይሃለሁ።

1 ቆሮንቶስ 2:9 ነገር ግን፦ “ዓይን ያላየችው ጆሮም ያልሰማው በሰውም ልብ ያልታሰበው እግዚአብሔር ለሚወዱት ያዘጋጀው፡” ተብሎ እንድተጻፈ፥ እንዲህ እንናገራለን።

እግዚአብሔር ለሚወዱት ያዘጋጀው በሰውም ልብ ያልታሰበውን ጭምር ነው። 

አቢይ ዋቁማ ዲንሳ Abiy Wakuma