መልካም አዲስ መንፈስ

 

ክርስቶስን እንደ አዳኝ እና ጌታ ስንቀበል የእግዚአብሄር መንፈስ በእኛ ውስጥ መኖር ይጀምራል። ታዲያ ህይወታችንን አዲስ የሚያደርገው በክርስቶስ የምንቀበለው አዲስ መንፈስ ነው።

የክርስቶስ መንፈስ በውስጡ የማይኖር ሰው የክርስቶስ ወገን አይደለም።

እናንተ ግን የእግዚአብሔር መንፈስ በእናንተ ዘንድ ቢኖር፥ በመንፈስ እንጂ በሥጋ አይደላችሁም። የክርስቶስ መንፈስ የሌለው ከሆነ ግን ይኸው የእርሱ ወገን አይደለም። ወደ ሮሜ ሰዎች 8፥9

ከሃጢያታችን አጥቦ ለእግዚአብሄር ልጅነት ያበቃን የእግዚአብሄር መንፈስ ነው።

እንደ ምሕረቱ መጠን ለአዲስ ልደት በሚሆነው መታጠብና በመንፈስ ቅዱስ በመታደስ አዳነን እንጂ፥ እኛ ስላደረግነው በጽድቅ ስለ ነበረው ሥራ አይደለም፤ ወደ ቲቶ 3፥5

ህይወታችንን የሚያድሰው የእግዚአብሄር መንፈስ ብቻ ነው።

አዲስ አመትን መጠበቅ መልካም ነው እውነትኛ አዲስ አመት የሚገኘው በክርስቶስ ህይወት ብቻ ነው። አሁንም ክርስቶስን ብንቀበል አዲስ ቀን አዲስ ወር አዲስ አመት በአጠቃላይ አዲስ ህይወት ይሆንልናል።

መልካም አዲስ አመት

አቢይ ዋቁማ ዲንሳ  Abiy Wakuma Dinsa

 #ሀበሻ #ዝግ #እግዚአብሔርንመምሰል #ኢየሱስ #ጌታ #ምልጃ #ቤተክርስትያን #አማርኛ #ስብከት #መዳን #መፅሃፍቅዱስ #ምስጋና #እምነት #አበሻ #አማርኛ #ሰላም #ደስታ #አዲስአመት #አቢይዋቁማ #አቢይዋቁማዲንሳ #እወጃ #መናገር #ኢትዮጲያ #ፀሎት

መልካም አዲስ ህይወት

 

ስለ ሃጢያታችን በመስቀል ላይ የሞተውን ኢየሱስን ስንቀበል እግዚአብሄር ይቀበለናል ከሞት ወደ ህይወት እንሸጋግራልን የዘላለም ህይወት እናገኛለን። በልጁ ካላመንን ግን የእግዚአብሔር ቍጣ በእኛ ላይ ይኖራል እንጂ ሕይወትን አናይም።

በልጁ የሚያምን የዘላለም ሕይወት አለው፤ በልጁ የማያምን ግን የእግዚአብሔር ቍጣ በእርሱ ላይ ይኖራል እንጂ ሕይወትን አያይም። የዮሐንስ ወንጌል 3፥36

ክርስቶስን ካልተቀበልን ልጁ ኢየሱስ በሕይወታችን ስለሌለ ከእግዚአብሄር ርቀን ከእግዚአብሄር ህይወት እንጠፋልን። አዲሱን አመት አዲስ የሚያደርገው በክርስቶስ የተቀበልነው አዲስ ህይወት እንጂ ያው የተለመደው የወር መለዋወጥ አይደለም።

እግዚአብሔርም የዘላለምን ሕይወት እንደ ሰጠን ይህም ሕይወት በልጁ እንዳለ ምስክሩ ይህ ነው። ልጁ ያለው ሕይወት አለው፤ የእግዚአብሔር ልጅ የሌለው ሕይወት የለውም። 1ኛ የዮሐንስ መልእክት 5፥11-12

እንዲያው በነጻ የተሰጠንን የዘላለም ህይወት ስጦታ በልጁ በኢየሱስ ስንቀበል ብቻ በልጁ አዲስ ህይወትን እንቀበላለን።

መልካም አዲስ አመት

አቢይ ዋቁማ ዲንሳ  Abiy Wakuma Dinsa

 #ሀበሻ #ዝግ #እግዚአብሔርንመምሰል #ኢየሱስ #ጌታ #ምልጃ #ቤተክርስትያን #አማርኛ #ስብከት #መዳን #መፅሃፍቅዱስ #ምስጋና #እምነት #አበሻ #አማርኛ #ሰላም #ደስታ #አዲስአመት #አቢይዋቁማ #አቢይዋቁማዲንሳ #እወጃ #መናገር #ኢትዮጲያ #ፀሎት 

መልካም አዲስ ልብ

 

ለህይወት መለወጥ የልብ መለወጥ ወሳኝ ነው። ካለልብ መለወጥ የሚደረግ ማንኛውም ወግ የሃይማኖት መልክ እንጂ እውነተኛ መንፈሳዊነት ሊሆን አይችልም።

ሰው ክርስቶስን ስለሃጢያቱ እንደሞተ ሲቀበል አዲስ ልብን እና አዲስ መንፈስን ያገኛል።

ዲስም ልብ እሰጣችኋለሁ አዲስም መንፈስ በውስጣችሁ አኖራለሁ፤ የድንጋዩንም ልብ ከሥጋችሁ አወጣለሁ የሥጋንም ልብ እሰጣችኋለሁ። መንፈሴንም በውስጣችሁ አኖራለሁ በትእዛዜም አስሄዳችኋለሁ፥ ፍርዴንም ትጠብቃላችሁ ታደርጉትማላችሁ። ትንቢተ ሕዝቅኤል 36፥26-27

በእግዚአብሄር መንፈስ ልባችን ካልተለወጠ በስተቀር በራሳችን እውቀትና ሃይል እግዚአብሄር አምላክን ማምለክ እና ማስደሰት ዘበት ነው።

ከዚያ ወራት በኋላ ከእስራኤል ቤት ጋር የምገባው ቃል ኪዳን ይህ ነውና ይላል ጌታ፤ ሕጌን በልቡናቸው አኖራለሁ በልባቸውም እጽፈዋለሁ፥ እኔም አምላክ እሆንላቸዋለሁ እነርሱም ሕዝብ ይሆኑልኛል። ወደ ዕብራውያን 8፥10

ምንም ዘመኑ ቢለውጥ በአሮጌ ማንነት አዲስ አመት ይሆንልኛል ብሎ መጠበቅ ሞኝነት ነው።

ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል።2ኛ ወደ ቆሮንቶስ ሰዎች 5፥17

መልካም አዲስ አመት

አቢይ ዋቁማ ዲንሳ  Abiy Wakuma Dinsa

 #ሀበሻ #ዝግ #እግዚአብሔርንመምሰል #ኢየሱስ #ጌታ #ምልጃ #ቤተክርስትያን #አማርኛ #ስብከት #መዳን #መፅሃፍቅዱስ #ምስጋና #እምነት #አበሻ #አማርኛ #ሰላም #ደስታ #አዲስአመት #አቢይዋቁማ #አቢይዋቁማዲንሳ #እወጃ #መናገር #ኢትዮጲያ #ፀሎት 

መልካም አዲስ ቤተሰብ

አዲሱን አመት በእውነት አዲስ የሚያደርገው በአዲሱ የእግዚአብሔር በተሰብ ውስጥ መሆናችን ነው። ክርስቶስ ኢየሱስን እንደ አዳኝ ካልተቀበልን በስተቀር የእግዚአብሔር ልጆች መሆን በፍጹም አንችልም።

እውነት ነው ሰይጣን የፈጠርው አንድም ሰው የለም። ሁሉም ሰው የእግዚአብሔር ፍጥረት ነው። ሁሉም ግን የእግዚአብሔር ልጅ አይደለም።

በሃጢያት ውድቀት ምክኒያት ሰው ሁሉ ከእግዚአብሔር ክብር ጎድለዋል። በሃጢያት ውድቀት ምክኒያት ሰው ሁሉ ከእግዚአብሔር ለዘላለም ተለያይቶዋል። ስለዚህ ክርስቶስን የተቀበለ ሰው ብቻ እንጂ የእግዚአብሔር ፍጥረት ስለሆነ ብቻ  ሰው ሁሉ የእግዚአብሔር ልጅ አይሆንም። 

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ እነርሱም ከእግዚአብሔር ተወለዱ እንጂ ከደም ወይም ከሥጋ ፈቃድ ወይም ከወንድ ፈቃድ አልተወለዱም። የዮሐንስ ወንጌል 1፥12-13

የእግዚአብሔር ልጅነት ክርስቶስን ለተቀበሉ ሰዎች ብቻ የተሰጠ ስልጣን እንጂ ለሁሉም አይደለም። 

ክርስቶስ ስለ መዳናችን የሃጢያታችን እዳ ሁሉ ከፍሎዋል፤ አሁንም ኢየሱስ ጌታ እንደ ሆነ በአፋችን ብንመሰክር እግዚአብሔርም ከሙታን እንዳስነሣው በልባችን ብናምን ከመቅጽብት እንድናለን።

ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ሰው በልቡ አምኖ ይጸድቃልና በአፉም መስክሮ ይድናልና።ወደ ሮሜ ሰዎች 10፥9-10

ስለሃጢያታችን በመስቀል ላይ የሞተልንን ኢየሱስ ክርስቶስን በመቀበል ወደ አዲሱ የእግዚአብሔር በቤተሰብ ውስጥ እንግባ።

መልካም አዲስ ቤተሰብ መልካም አዲስ አመት

አቢይ ዋቁማ ዲንሳ  Abiy Wakuma Dinsa

 #ሀበሻ #ዝግ #እግዚአብሔርንመምሰል #ኢየሱስ #ጌታ #ምልጃ #ቤተክርስትያን #አማርኛ #ስብከት #መዳን #መፅሃፍቅዱስ #ምስጋና #እምነት #አበሻ #አማርኛ #ሰላም #ደስታ #አዲስአመት #አቢይዋቁማ #አቢይዋቁማዲንሳ #እወጃ #መናገር #ኢትዮጲያ #ፀሎት 

 

መልካም አዲስ መንግስት

ክርስቶስ ኢየሱስ ስለሃጢያታችን በመስቀል ላይ እንደተሰቀለ እና እንደሞተ ብናምን እንዲሁም ሞትንም ድል አድርጎ በሶስተኛው ቀን እንደተነሳ ብንመሰክር ከጨለማ ሥልጣን በመዳን ወደ እግዚአብሔር የፍቅሩ ልጅ መንግሥት እንፈልሳለን።

እርሱ ከጨለማ ሥልጣን አዳነን፥ ቤዛነቱንም እርሱንም የኃጢአትን ስርየት ወዳገኘንበት ወደ ፍቅሩ ልጅ መንግሥት አፈለሰን። ወደ ቆላስይስ ሰዎች 1፥13-14

ክርስቶስ ኢየሱስን ታችን አድርገን ከመቀበላችን በፊት ሁላችንም በሰይጣን መንግስት ግዛት ስር ነበርን። ኢየሱስን በተቀበልንበት ቅጽበት ከጨለማው ስልጣን አምልጠን ወደ እግዚአብሔር መንግስት ተዘዋውረናል።

በበደላችሁና በኃጢአታችሁ ሙታን ነበራችሁ፤ በእነርሱም፥ በዚህ ዓለም እንዳለው ኑሮ፥ በማይታዘዙትም ልጆች ላይ አሁን ለሚሠራው መንፈስ አለቃ እንደ ሆነው በአየር ላይ ሥልጣን እንዳለው አለቃ ፈቃድ፥ በፊት ተመላለሳችሁባቸው። በእነዚህም ልጆች መካከል እኛ ሁላችን ደግሞ፥ የሥጋችንንና የልቡናችንን ፈቃድ እያደረግን፥ በሥጋችን ምኞት በፊት እንኖር ነበርን እንደ ሌሎቹም ደግሞ ከፍጥረታችን የቁጣ ልጆች ነበርን። ወደ ኤፌሶን ሰዎች 2፥1-3

ክርስቶስን ሳንቀበል በጨለማው መንግስት ውስጥ እየኖሩ ቀኑ በመለወጡ ብቻ እውነተኛ አዲስ አመት ይሆንልናል ብሎ መጠበቅ ሞኝነት ነው። አዲሱን አመት እውነተኛ አዲስ አመት የሚያደርገው በክርስቶስ በመሆን ወደ እግዚአብሔር የፍቅር መንግስት መፍለስ ብቻ ነው።

መልካም አዲስ አመት

አቢይ ዋቁማ ዲንሳ  Abiy Wakuma Dinsa

 #ሀበሻ #ዝግ #እግዚአብሔርንመምሰል #ኢየሱስ #ጌታ #ምልጃ #ቤተክርስትያን #አማርኛ #ስብከት #መዳን #መፅሃፍቅዱስ #ምስጋና #እምነት #አበሻ #አማርኛ #ሰላም #ደስታ #አዲስአመት #አቢይዋቁማ #አቢይዋቁማዲንሳ #እወጃ #መናገር #ኢትዮጲያ #ፀሎት 

 

መልካም አዲስ ፍጥረት

 

ስለዚህ ማንም በክርስቶስ ቢሆን አዲስ ፍጥረት ነው፤ አሮጌው ነገር አልፎአል፤ እነሆ፥ ሁሉም አዲስ ሆኖአል።2ኛ ወደ ቆሮንቶስ ሰዎች 5፥17

መልካም አዲስ አመት

አዲሱ አመት 2017 አመተ ምህረት ሊገባ ጥቂት ቀናቶች ቀርተዋል፤  

አዲስ አመት መልካም ቢሆንም እንኳን ካለ አዲስ ፍጥረትነት መልካምነቱ ለምንም አይጠቅምም። 

በክርስቶስ ኢየሱስ አዲስ ፍጥረት መሆን ይጠቅማል እንጂ መገረዝ ቢሆን ወይም አለመገረዝ አይጠቅምምና። ወደ ገላትያ ሰዎች 6፥15 

ሰው ዳግመኛ ካልተወለደ እና አዲስ ፍጥረት ካልሆነ በቀር የእግዚአብሔርን መንግሥት ሊያይም ሆን ወደ እግዚአብሔር መንግሥት ሊገባ አይችልም።

ኢየሱስም መልሶ፦ እውነት እውነት እልሃለሁ፥ ሰው ዳግመኛ ካልተወለደ በቀር የእግዚአብሔርን መንግሥት ሊያይ አይችልም አለው። የዮሐንስ ወንጌል 3፥3

ሰው ዳግመኛ ካልተወለደ እና በክርስቶስ ኢየሱስ አዲስ ፍጥረት ካልሆነ በቀር አዲሱ አመት እውነተኛ አዲስ አመት ሊሆንለት በፍጹም አይችልም።

አዲሱ አመት እውነተኛ አዲስ አመት እንዲሆንልን ስለሃጢያታችን በመስቀል ላይ የሞተልንን ኢየሱስ ክርስቶስን በመቀበል አዲስ ፍጥረት እንሁን።

እኛ በእርሱ ሆነን የእግዚአብሔር ጽድቅ እንሆን ዘንድ ኃጢአት ያላወቀውን እርሱን ስለ እኛ ኃጢአት አደረገው።2ኛ ወደ ቆሮንቶስ ሰዎች 5፥21

መልካም አዲስ አመት

አቢይ ዋቁማ ዲንሳ  Abiy Wakuma Dinsa

 #ሀበሻ #ዝግ #እግዚአብሔርንመምሰል #ኢየሱስ #ጌታ #ምልጃ #ቤተክርስትያን #አማርኛ #ስብከት #መዳን #መፅሃፍቅዱስ #ምስጋና #እምነት #አበሻ #አማርኛ #ሰላም #ደስታ #አዲስአመት #አቢይዋቁማ #አቢይዋቁማዲንሳ #እወጃ #መናገር #ኢትዮጲያ #ፀሎት 

ከምናስበው በላይ ተወደናል በአቢይ ዋቁማ Abiy Wakuma Dinsa

ከምናስበው በላይ ተወደናል በአቢይ ዋቁማ Abiy Wakuma Dinsa

ከምናስበው በላይ ተወደናል በአቢይ ዋቁማ Abiy Wakuma Dinsa