Popular Posts

Friday, November 28, 2025

የብልጽግና ወንጌል ምሥጢር ሲገለጥ


የብልጽግና ወንጌል ምሥጢር ሲገለጥ  

በወንጌል አላፍርምና፤ አስቀድሞ ለአይሁዳዊ ደግሞም ለግሪክ ሰው፥ ለሚያምኑ ሁሉ የእግዚአብሔር ኃይል ለማዳን ነውና። ወደ ሮሜ ሰዎች 1፡16

ወንጌል በሃጢያታቸው ምክኒያት  ለዘላለም ከእግዚአብሔር የተለያዩትን የሰው ልጆች  ከእግዚአብሔር ጋር ለዘላለም እንዲኖሩ የሚያስችል ታላቅ የምስራች ነው። 

አሁን ግን በመድኃኒታችን በኢየሱስ ክርስቶስ መገለጥ ታይቶአል። እርሱ ሞትን ሽሮአልና እኔ ሰባኪና ሐዋርያ አሕዛብንም አስተማሪ እንድሆን በተሾምሁበት በወንጌል ሕይወትንና አለመጥፋትን ወደ ብርሃን አውጥቶአል። 2ኛ ወደ ጢሞቴዎስ 1:10-11

ወንጌል ጠላቶች የነበሩትን የሰው ልጆች በማስታረቅ የእግዚአብሔር ወንድና ሴት ልጆች አድርጎ መቀበል የሚያስችል ታላቅ የምስራች ነው።

ለተቀበሉት ሁሉ ግን፥ በስሙ ለሚያምኑት ለእነርሱ የእግዚአብሔር ልጆች ይሆኑ ዘንድ ሥልጣንን ሰጣቸው፤ የዮሃንስ ወንጌል 1:12

ወንጌል በሃጢያት ምክኒያት ከሰይጣን የባርነት እስራት ወስጥ ሲሰቃዩ የነበሩትን የሰው ልጆች በሰይጣን ላይ ስልጣን የሚሰጥ የእግዚአብሔር ታላቅ የማዳኛ ሃይል ነው፡፡

እርሱ ደግሞ በሞት ላይ ሥልጣን ያለውን በሞት እንዲሽር፥ ይኸውም ዲያብሎስ ነው፥ በሕይወታቸውም ሁሉ ስለ ሞት ፍርሃት በባርነት ይታሰሩ የነበሩትን ሁሉ ነጻ እንዲያወጣ፥ በሥጋና በደም እንዲሁ ተካፈለ። ወደ ዕብራውያን 2:14

#የብልጽግናወንጌል #ወንጌል #ኢየሱስ #የምስራች #እግዚአብሔር #የበለጸገ #መልካምዜና

No comments:

Post a Comment